السلام عليكم حبيت نوضح و نبسط بعض الخطوات فيما يتعلق بقرض اونساج باش تعم الفائدة و نتمنى الناس كامل تستفاد.
⬛المرحلة الاولى :
🔴 الملف لي فيه نقمة و شهادة اقامة و 4 صور و الديپلوم و شهادة تسجيل فلانام و بطاقة التعريف البيومترية و فاتورة شكلية للعتاد من عند الفورنيسور (و تامنها في وكالة تامين مجانا) و تديه للسيبار تسجل فالموقع الخاص بلاناد.
🔴 تستنا زوج ايم ولاثلاثة يعيطولك تزيد تدي نفس الملف و تروح لوكالة اناد لي تابعة للمنطقة لي ساكن فيها و تدفعو ثما و تبقى تستنا حوالي شهرين باش يعيطولك تفوت الكوميسيون.
🔴 يعيطولك تفوت الكوميسيون، لازم تكون فاهم المشروع لي راح ديرو باش تعرف تجاوب على الاسئلة تاع اللجنة.
⬛المرحلة الثانية :
🔴 تروح لوكالة اناد تشوف اذا قبلولك المشروع تاعك ولا لا. و في حالة ما رفضولك تقدر دير الطعن و تعاود تفوت الكوميسيون.
🔴 في حالة ما قبلولك المشروع تستنا من اسبوع لاسبوعين يعطيوك القابلية و تزيد تخدملهم دوسي خفيف.
🔴 تستنا حوالي اسبوع يطلعو الملف تاع للبنك لي راح يمولك المشروع و تستنا من شهر حتى لشهرين باش توجد الموافقة البنكية تاعك.
⬛المرحلة الثالثة :
🔴 تهز الموافقة البنكية تاعك و تديها لوكالة اناد يعطيوك تخدم الملف لي راح نذكرو بالحاجة.
🔴 تكري المحل او المستودع او الارض بالنسبة للفلاحين و تخدم عقد الكراء لي راح يقيملك حوالي 2 ملاين .
🔴 بعقد الكراء تروح للسجل التجاري تخدم سجل تجاري خاص بيك و تخلص عليه من 700 الف حتى 2 ملاين على حساب النشاط تاعك. و بالنسبة للفلاحين يخدمو بطاقة فلاح فالغرفة الفلاحية مجانا (المدة تاعهم باش يوجدو من يومين حتى اسبوع) و كي تكملو تروح تخدم بيه الختم تاع المؤسسة تاعك (الكاشي)
🔴 تروح لمديرية الضرائب يخدمولك البطاقة الضريبية تخرجلك اسبوع ولا اسبوعين.
🔴 تروح للسيبار تسجل باش يخدمولك nif يخرج في 4 ايام.
🔴 كي يخرجلك nif تزيد تروح لنفس السيبار تسجل باش يخدمولك nis لي تهزو في 20 يوم ولا شهر.
⬛المرحلة الرابعة :
🔴 تروح للبنك تدي الوثائق لي خدمتهم كامل باش تحل حساب عندهم و تحط فيه المساهمة الشخصية لي هي 5 ٪ من قيمة المشروع تاعك (زائد قيمة فتح حساب بنكي كل بنك كيفاه يحسبوه)
🔴 كي تفتح حساب و تحط فيه المساهمة الشخصية يعطيوك وصل تحطو مع الوثائق لي عندك و تديه لوكالة اناد و تستنا يومين او ثلاثة يعطيوك ورقة لي تروح تكاشيها في
Aucun commentaire